თბილისის საქალაქო სასამართლომ პატიმრობაში დატოვა ძალადობრივ აქციებში მონაწილე 11-ვე ადამიანი. მათ შორის მსახიობი ანდრო ჭიჭინაძე, რომელსაც პოლიციელებისთვის ბლაგვი საგნის თავში ჩარტყმა ედება ბრალად და «იუმორისტი» ონისე ცხადაძე, რომელმაც, გარდა ძალადობრივ აქციებში მონაწილეობისა, ასევე ფსიქოლოგიურად იძალადა სკოლის უმცროსი კლასის ბავშვებზე, შეუვარდა მათ საკლასო ოთახში სასწავლო პროცესის მიმდინაროებისას და მეგაფონით მოუწოდებდა ქუჩაში, საპროტესტო აქციებზე გასულიყვნენ.
მოსამართლე ქეთევან ჯაჭვაძის ვერდიქტს სასმართლო დარბაზში ხმაური მოჰყვა. მოგვიანებით დაპატიმრებულების ახლობლებმა დარბაზიდან სასამართლოს ეზოში გადაინაცვლეს, სადაც საპროტესტო აქცია და ხმაური ახლაც გრძელდება.
