ექსპრეზიდენტი სალომე ზურაბიშვილი შიზოფრენიის ზღვარზეა და საკუთარ სოციალურ გვერდებზე გამოქვეყნებულ პოსტებში საკუთარ თავს «უმაღლეს მთავარსარდლად» მოიხსენიებს.
ამჯერად ზურაბიშვილი გამოეხმაურა მედიით გავრცელებულ ცნობას, რომლის მიხედვითაც, სახელმწიფო უწყებებში და მათ შორის თავდაცვის სამინისტროში, შესაძლოა რეორგანიზაცია განხორციელდეს და თანამშრომელთა გარკვეული ნაწილი სამსახურებიდან დაითხოვონ.
„როგორც უმაღლესმა მთავარსარდალმა, მინდა, ვთქვა, სრულიად მიუღებელია ის, რაც გამოცხადდა, შეიძლება, ეს რეპრესიები და დათხოვნები შეეხოს თავდაცვის სამინისტროს, არ შეიძლება, ამ უწყების რამენაირად პოლიტიზირება“ — განაცხადა ზურაბიშვილმა.
თუ მეხსიერება არ გვღალატობს, ეს სწორედ ის «მთავარსარდალი» ქალბატონია, რომელმაც პრეზიდენტის სტატუსში ოფიციალურად ყოფნის დროს, ჯარს დაუმორჩლებლობისკენ და საპროტესტო აქციების მონაწილეთა მხარეს გადასვლისკენ მოუწოდა. როგორც ჩანს, მაშინ შეიძლებოდა «»უწყების პოლიტიზირება» და ახლა უკვე აღარ შეიძლება?
